Carabela

Un ano despois da súa primeira travesía con “Nó”, Carabela parte na procura de novos horizontes para cruzar e ensanchar os límites da música galega. Aínda que os seus sons navegan por rumbos coñecidos -o pop, a electrónica e o trad-, “A noite” chega para poñer os pés en terras, temáticas e sonoridades inexploradas. O seu relato intimista permítenos somerxernos entre a intensidade e a delicadeza, nun mar de contrastes rítmicos e melódicos que comezan a marcar unha seña na ruta de Carabela, cun marco de referencias no que caben desde Néboa e Mercedes Peón a Slowdive, Radiohead ou Billie Eilish.